وثقها خطوة ب خطوة (الخطوة الثالثة)

مساء الخيرات والمسرّات

نستكمل معاكم في سلسلة #وثقها_خطوة_بخطوة

بعد ما الشهادة بقا عليها ختم الإدارة التعليمية دلوقتي إنتَ بقيت مخيّر تكمل في السعودية أو مصر ودا وضّحناه في البوست اللي فات تقدر ترجعله

ومن هنا هتبدأ مرحلة الأختام برسوم!

البوست دا مُوجّه ليك في حالة هتوثق في السعودية

طبعًا إنتَ محتاج ختم الخارجية السعودية في السعودية.

ودا لازم يكون أول ختم موجود على شهادتك بعد الإدارة التعليمية عشان تعرف تكمل باقي الأختام.

طيب ازاي أروح الخارجية، والختم يكلف كام؟

هنجاوبك بس وحدة وحدة

أول حاجة عشان تروح الخارجية السعودية لازم تدخل على الموقع بتاعهم وتاخد موعد مسبق عشان تروح، ودا موقع الخارجية اللي بنعمل منه التصديقات:

‏https://services.mofa.gov.sa/…/RatificationInquiry/Inquiry

هتعبي البيانات المطلوبة وتحجز موعد بمنتهى البساطة.

خلي بالك إن:

وزارة الخارجية ليها فرع في كل منطقة في المملكة.

رسوم الختم = ٣٠ريال سعر السنه اللي فاتت، والدفع بيكون اون لاين بعد الحجز، وهي دي وسيلة تأكيد الحجز.

الخطوة الثانية محتاج ختم الملحق الثقافي المصري في السعودية.

طيب فين الملحق الثقافي، وأروحله ازاي؟

أبشر هنقلك متقلقش

عشان تروح الملحق الثقافي مش محتاج موعد ولا حاجه، إنتَ بتدخل كدا الفرع عرش، وتاخد الختم وتمشي عادي جدًا ، هو فعلًا بتعمل كدا، لإن الملحق الثقافي مش محتاج موعد ولا حاجه أصلًا!

بتروح المكتب وتاخد الختم وتمشي عادي خالص، بس الدنيا بتكون زحمة حبتين وممكن يرخموا.

خلي بالك إن:

الملحق الثقافي ليه فرعين، واحد في الرياض ودا موقعه:

‏https://maps.app.goo.gl/84ogjosDj6cnneMR7

والفرع الثاني في جدة ودا موقعه:

‏https://maps.app.goo.gl/fzybDzKkg8BDgS8H6

رسوم الختم = ٧٥ريال سعر السنة اللي فاتت متغيرش، بس خلي بالك إن الدفع بيكون عن طريق الشبكة (فيزا)، يعني لو جبت معاك كاش مش هيقبلوه!

الخطوة الثالثة والأخيرة الحمد الله وهو ختم السفارة/ القنصلية المصرية في السعودية.

عشان تروح السفارة (القنصلية) المصرية في المملكة لازم تحجز موعد عن طريق الموقع الرسمي ليهم (بيني وبينكم كدا فيه ناس بتروح من غير موعد وبتدخل وفيه ناس مش بتدخل برضو، فـ خليك في السليم بشكل قانوني)

دا الرابط لو إنتَ في الرياض أو قريب منها:

‏https://riyadh.egyptconsulates.org/booking.html

ودا لينك الابلكيشن بتاعها:

https://apps.apple.com/app/id6444722856

ودا الرابط لو إنتَ في جدة أو قريب منها:

‏https://jeddah.egyptconsulates.org/booking.html

ودا لينك الابلكيشن بتاعها:

https://apps.apple.com/app/id6478158874

هتدخل عند حجز المواعيد ثم تسجل حساب جديد ثم على كلمه تصديق المحررات ثم تحجز بشكل طبيعي جدًا.

خلي بالك إن:

السفارة (القنصلية) المصرية في المملكة ليها فرعين، فرع في الرياض ودا رابط الموقع بتاعه:

‏https://maps.app.goo.gl/su2qYTQQTyRURAQp6