الفرق بين الجامعات الخاصة و الأهلية و الدولية

السلام عليكم ورحمة الله وبركاته 

مساء الخير يا خريجين 🧑🏻‍🎓 👩🏻‍🎓 

من اكتر الحاجات اللي بتلغبط اي طالب خريج و بيقف محتار قدامها هي تنوع الكليات من خاصه ل اهلية ل دولية ل حكومية ف احنا في البوست دا هنوضحلك الفرق بينهم و نخليك وقت التقديم جاهز و عارف راسك من رجليك 

يلا بينا 🏃🏻

اول حاجه ٩٩٪ من جامعات مصر معتمده اعتماد كلي من وزارة التعليم العالي و البحث العلمي و معتمده خارج مصر ( بس طبيعي ان لو في دولة بتحتاج معادلة ف لازم تعملها ) 

* الجامعات الخاصة في مصر عددها ٣٢ جامعة ومنها

 مصر للعلوم و التكنولوجيا و المصرية الصينية و الروسية و الخ …

دي جامعات تأسست من قبل مستثمرين لكن تابعة لوزارة التعليم العالي و تشرف عليها و معتمده 

* الجامعات الاهلية في مصر عددها ٢٠ جامعة ومنها الملك سلمان و العلمين و المنصورة الاهلية و الخ…

دي جامعات تأسست من قبل وزارة التعليم العالي غير هادفه للربح ( بس دا مش معناه انها مجانية ، اطلاقا غير هادفه للربح معناها انها جامعات جديده و كل المبالغ اللي بتتدفع من قبل الطلبة بيتم اسثمارها ف الجامعة من تطوير معدات و فتح كليات جديده.

* الجامعات الدولية زي كونفتري البريطانية و هيرتفوردشاير البريطانية و رايرسون و الامير ادوارد دي كلها جامعات دولية بمعنى انها جامعة موجوده اصلا في دولتها الام زي كونفتري موجوده في بريطانيا و الامير ادوارد في كندا ف فتحت فرع ليها في مصر و هتاخد شهادة مزدوجة واحده من مصر و واحده من فرع الجامعة الام

وهنا ياخريجين نكون وصلنا للنهاية ونتمنى نكون جاوبنا علي اغلب التساؤلات الي جت على بالكم 

بالتوفيق لكم جميعا🤍✨