السلام عليكم ورحمة الله وبركاته
مساء الخير يا خريجين 
في جملة اكيد انتو سمعتوها او حد تعرفوه دخلها و هي كريديت ف تعالو نعرفكم يعني ايه كريديت في المطلق و المقصود اصلا بكريديت
اولا كلمة كريديت معناها ساعات معتمده و دا نظام مبني على ان الطالب مطلوب منه ينجح في عدد ساعات معين عشان ياخد شهادته عارف انك مفهمتش لسه ف تعال واحده واحده افصصهالك
دلوقتي النظام القديم في اغلب الكليات كانو بياخدو مادة ١ و مادة ٢ و ماده ٣ و بالنسبة للجامعة كلهم واحد مفيش فرق لكن النظام الجديد قال لا هنخلي المواد بعدد ساعات نظرية و عملية ف بقت ماده رقم ١ ب ٣ ساعات و مادة رقم ٢ ب ساعتين و ماده ٣ ب ٤ ساعات ف بيتيح لك انك تسجل كل ترم عدد ساعات معين و ليكن من ١٢ ساعة ل ٢٥ ساعة ف انت تقدر تسجل ٣ مواد من مادة ب ٤ ساعات و ماده ب ساعتين تقدر تزود و تقدر تقلل و هكذا و بيكون عندك لائحة بتنص انك لازم تنجح في عدد ساعات ممكن ١٨٠ ممكن اقل ممكن اكتر ف دا بيتيح ليك انك تقدر تخلص الكلية في عدد سنوات اقل و ممكن اكتر على كيفك و دا نظام متطبق حاليا في كليات حكومية زي صيدلية و علوم و حاسبات و هندسه ( مش كل الجامعات )
طيب لما بنقول كريديت نقصد بيها ايه ؟
كريديت لما بنقولها نقصد بيها القسم الخاص اللي في الكلية الحكومية زي قسم مانشستر طب بشري المنصورة و اسكندرية و طب القاهرة ipka والخ…
طب دا فايدته ايه و يفرق ايه عن الحكومي العادي؟
القسم الخاص في الحكومي بتقدر تقدم فيه لما تكون حاصل على اقل كلية في التخصص بتاعك يعني عشان تقدم كريديت طب بشري القاهرة لازم يكون جالك طب بشري في اي كلية حكومي في مصر و طبعا دي بمصاريف مختلفه عن الحكومي العادي و قد توصل لنفس سعر الجامعات الخاصه و طبعا مش دا الفرق الوحيد في بعض التخصصات بيكون في دكاتره منتدبين من دول مختلفه و كمان ممكن تلاقي المنهج مختلف في حاجات بسيطه و بس كدا
لكن لو انت جالك كلية طب بشري حكومي اوعى ثم اوعى تقدم على كريديت
وبس كده نتمنى نكون وضحنا ليكم الموضوع
دُمتم موفقين
0 Comments