ما هو التقديم المبكر؟

السلام عليكم ورحمة الله وبركاته

مساء الخير ياخريجين

في جمله اكيد سمعتوها كتير اخر فتره وهي تم فتح التقدم المبكر في جامعة…

فتعالو معانا النهارده نعرفكم يعني ايه التقديم المبكر وما له وما عليه

المميزات:

اول ميزه ان كثير من الجامعات بتعمل خصم علي التقديم المبكر منها ل سنه واحده ومنها بيكمل معاك ل اخر الدراسه

ثاني ميزه معانا وهي ان بعض الجامعات بيتم قبول الطالب بشكل مبدأي

بحيث انه لو حقق الحد الادني كان بها محققش يبقى كده ده مختلف للحدود الدنيا الي حطها التعليم العالي وهنا مينفعش طبعا الجامعة تقبل الطالب .

العيوب:

اول عيب معانا انه مكلف مادياً خصوصا لو انت قدمت علشان تلحق وتضمن مكان مثلا لحد ما تتقبل في الجامعه الي انت عايزها

وده بيضيع عليك فلوس التقديم وفي بعض الجامعات بتخصم فلوس تانيه وكل جامعه وليها سبب خاص بيها لانك لو اتقبلت بتدفع مصاريف الترم الاول

وبعض الجامعات للاسف بتسترد الفلوس منها بصعوبه

هو هتاخدها عادي بس بعد مُده وده هيبقى رخم شويه خصوصا لو عايز تدفع فلوس ل جامعة تانيه مثلا

وفي النهاية نصيحتي ليك لو مش مقتنع بجامعة معينة بلاش تقدم فيها

دُمتم مُوفقين